Hier volgen enkele fragmenten uit de dichtbundel ''Kaoleries". Beluisteren kan met Windows Media Player. Als deze niet op uw systeem staat, kunt u de player downloaden van Microsoft. Klik hier: http://www.microsoft.com/windows/windowsmedia/en/download/default.asp
Kaoleries
(beluister dit fragment)  kao_01

Siefers waere wäörd

Waat ich leet, neet waat ich oetvroot vrit

mich laam 't wakkerduuster door

gezjwieges al die jaore det ich sjleep

en wiejer sjleep mien wäörd

det ze hakke wólle wie de heep.

Zoot ich op de juuste waeg waal sjoons

dae toterend begós te leize, leep

nao neet versjtaon en kotjesdeep

wo sjtein gater maffe in d’n tied.

Ich leep en leep, kós mich mit name

nómmers landjwiezers neet,

wie ’t róndj en vals fanfaarde:

sjoesterswiever en sjmeedspaerd

loupe mit vazel veut euver de aerd.

Des klónk: krats dich los van woos te bös

den dien wäörd wórtele neet mie.


kao_02

(beluister dit fragment)

Kaerels wie buim ube zich mit sjtreu -

mechtig grei doe heurdes kiendjes make

woors bie 't ierste kake, pannelake

aerpeldaeke, sjteufke in de wintjerklump.

Naatgejank loogs doe det de leefste zich neet

sjteet ónger de kies in wiskes oergelouf

begrave bie ’t toterkruuts,

den doe - superdoe van zón en zjweit

woors bringer van good nuuts:

du moment dets doe rót zóls zien

haet Vuur de dooj zeel zat gepiend,

geit die - det wóste zie van häör en die van zie

zeker, den sjtóm bös doe neet in de v. Dale

wiewaal get rap de vlam vertap

en wie gezag van sjale:

me kan nieks mit dich betale -

alle waerd is dich oet de kop geklop

vermale veur mik en kook en beer.

Zuug dan neergemetsde sjobbekop

weer kroops doe op

oet oetgekótsde rómmelheuk: hónger

ónger de króm brach draeger truuk bie drach.

Insgelieks haet me mich det liek gebrach,

eine Hae

wórsdood

loog

wo mich wintjergreun de miemerte

bao ónger haet in de Sjtil Waek

drei daag sjtief al wie d’n hóndj

häöm vónj, de linkervoot

good te zeen - zuut me op de liekefoto

en klamp blood - nieks gei sjleipsjpaor

dao neergelag

zag drek de plies dae mich sjuus weer vroog

woveur ich neet bekin, "doot det toch menier,

loester: ziet geer van alles aaf" - kier

op kier en obbernuuj. Ich wil dit neet

dit wit op zjwart weite van de meister

ich sjrief verhaole greun van de noteboum

dae ich neet zeen moog, neet de zoum

van weit häöks en óngerlangs de krotteplak,

ein sjtoppel mit gebraoje aerpel, in nevel sjoon

d'n Tourmalet naeve Pla d'Adet gebermp -

ich maak d’n Tour mit Coppi - Nolten

sjtols deej ze obbernuuj get op de haor

wiewaal ouch dae neet greuje dórs.


kao_03 (beluister dit fragment)

sjpangekop

Sjoons vleegveldj zón zich oetgedaon de maon

höb ich mich det dörp weer aangedaon

zösteen jaor gelaege in de kas

en ’t pies persas -

wiewaal get gater in de taal.

Ich heur sjtumme - waar dich jóng

raoje luuj die wie ein kasse bóks

laeve zich sjoon drejde:

veurbie verlaore

de sjoop is bats gewaore

mik AEX. "Weit wiejer

det dien krotte hoezer zien

de groos besjtoep, wiskunde A

woos doe moos zats

doe geis dich vies vergaete jóng,

waat meins doe dao te vinje nag?"

Sjtein - sjtein dreig wie aerpel

in de gróndj det ze nag get wurmde

veule, miljoene jaore lank gelek

wies ze mich wang en kösse leke.


kao_04 (beluister dit fragment)

Obbernuuj ein koe - lik leietig

ich krieg die de lóch neet in gedich

waat wilt me mit wäörd - sjrief ich: kiek

dao graas ze in 't greuske

veur op de raengelbaog -

vraog de waeg daohaer en dink

wen die kleure zingend sjnieje op 't landj

waordwaswitwónjerwins

zeuk dich laeve naeve dich

gaef de boum ein handj

dans de sjtein in brandj

dans dans mit jeder koe

ujer en deme

tuikes mit reme -

waat sjoester ich neet - ich laot

de K de O nao baove jense

 

mer ze lik en lik

noer de vlegejaeger get gesjpoets

kweerte dreuge sjtróntj

det is mie landj. Daag - daag


kao_04b (beluister dit fragment)

vergaete wäörd

höbbe mich de sjoon aaneingebónje,

naobersjtreng, ei zeelke um de boek

- mit wieväöl vaem sjnieder Sjtoek

gans krómpgezaete hang ich aan dit landj

lank lintjelintj

van bleuj haol waeg

kemuniebruutjes

besjreve gevels wit

ingel in d’n druim van doezjend Fritse

van sjietmilj Lin en Hinge Keup.

Honinglandj haet zien zón zelf verbrandj

veur gleuj te kriege in de sjeem veur

vaarleize vól te vare good

doe landj van mich.

 

Teen sjteule sjteine taof

hauw ich uch belaof

mer geer kónt neet hoeze

in en aan mien wäörd am-

brasse rós en NSB sjmoeze

duutsjverroepzakkers doon dinke

op de kramp, baeje gater toew

toe tóddele Fóddelefrens

haet kersjtaanjele ónger de pens.


kao_04c (beluister dit fragment)

Frits Fried geneump fried chicken Doe

waats doe neet gezag höbs heur ich noe

zjwiege tösse wäörd - ich wis det waal

taal sjtóm Taal oetgelache

veur de klómp in miene kop

det ich windjveugel boewe wól

van sjóttelsplek en sjansesjtekker sjprok

wie late leefde - zoe höb ich aan

dun vaem gehange - los leet de moew

ein handj vloog door de boeteboew.

"Obbernuuj oet de ef jungske jóng:

ein boet sjans mit sjprokke vaam …"

Nae - geer neet mie meister Pie

braojt uch tulpesupke: bie

mich gein memorieplaetjes aan de moer

of ploog, aeg veur hónkbalpatsje

mien klumpkes zien kepotgefedderd opgesjtaok,

poekel dich dae ganse kraom

sjötters buut en lariekak van eige baom.

Laot mich mien wäörd - waat die same

veulde in d’n ules op 't duvelke

wo oetgezakde moders zjwamend

zjweithummes kóts en óngerbókse reurde,

den plat wölf zich wen ’t waert bezeik.

Geit det neet: landj det bao ram

oet wäörd besjteit, sjtaof dae aom

sjpek op de röbbe bleus - wo bengt

geer veur, det daverwaat, sjnak

remo de kepse kraomejak

en tispel moezezang sjpringe kónne

wie in de gróndj gevónje prusetuug?


kao_07 (beluister dit fragment)

Ich kroep ich kroep sjreef hae - wen mót

euver kranke kneen euver sjäör door netele

nao dich - inins waert hae bevlaoge,

reurings naeve 't sjoestersmäönke en de hoef

zoef de sjeem, körvelt door de sjei en

raffelt weg van brögke euver de Maas.

Hae waog nag de gesjtraolde sjeem

sjtreep dem door wen het neet keem

waem wilt ze laeze zien gesjoefelde regels,

wäörd waord veur waord gepaot,

sjtekske sjtiep wen te zjwaak, begaote

gesjpaote gegaejd, aafgesjoegkeld doe,

wie me as 't gleuje neet leut óngergrave.

In deens get geldj gekrege: nao d’n drökker

drökker drök mich dees sjoen sjaor

mit moderkaore, kaaf en puntjes klaor.

Nae kloris nae: nieks te Garamond -

in de Sjörf daet geer ammaol kriege kónt.


kao_08 (beluister dit fragment)

Geine loestert mie. Alles zól zoe zien:

ich gaef de sjtein sjtum

de raengel water

sjien de zón bie dors ‘t sjtreu -

en zjwieg zjwieg

in ’t liek det neet gevónje is

den waat te sjrieve

wieväöl wäörd gaon blieve

drei veer veur te biljare

in de kazematte nach

ich

dich

(neet) gedaon