Waor of neet waor aflevering 424

dinsdag 07 januari 2003

Paul Prikken

haolkop

[A = FOUT]

Bès te al ins bie den Ikea ei meubel gaon koupe? Dan krigs te zoe'n does mit en ouch het adres van eine psychiater wo's te nao drie daag klómmele en knoje veur geistelike hölp kóns gaon vraoge. In zoe'n does zitte alderlei plenk en óngerdeile en sjruufkes mit haolköpkes. En es te good zeuks in die does dan vunjs te dao ouch EIN inbössjleutelke óm die haolköpkes vas te dreije. Einen haolkop is dus ein sjroef mit zoe'n zèskentjig laok d'rin, ein sjroef veur einen inbössjleutel.

[B = GOED]

Einen haolkop wie dich dae moot ouch gein meubele bie den Ikea gaon koupe. Einen haolkop dae vergit toch wo het veurste en het echterste is. Dae haet eien laege kop. En zouws dènke det eine mit einen haole kop väöl plaatsj haet óm van alles te ónthaute, mer det is neet zo. Einen haolkop det is emes dae vergaetechtig is, dae niks kèn ónthaute.

[C = FOUT]

Aan amateurs die zelf meubele ineinsjtele dao zeen technische wäörd natuurlik neet aan bestaejd. Einen haolkop is ein hangende katrol. Want haole beteikent wie in 'bènnehaole', aan ei zeil, aan ein touw trèkke. En die touw of dae kabel wurt door die katrol, door daen haolkop gehaold en dan kóns te mit die katrol het dobbele van het gewich optrèkke.

[OPLOSSING = B]

Uit Weert.