Waor of neet waor aflevering 431

donderdag 16 januari 2003

Paul Prikken

de baer rieje

[A = GOED]

Hie in Mestreech kóns te gaon kieke nao de Mosasaurus. Det is ei bies van ei paar miljoon jaor aud en dae höbbe ze opgegrave. Den offisjele weitesjappelike naam van dae Mosasaurus is "Baer". Op zie Mestreechs oetgesjpraoke: Baaaaaaaeeeeeeeer, ei waord van drie-en-twintig lètters. Op de Baaaaaaaeeeeeer rieje is dus ein oetdrökking die al miljone jaore aud is. Ze beteikent: zich misdrage, lestig zeen, oet de bandj sjpringe.

[B = FOUT]

Al ins nachtmerries gehad? De baer rieje is óngeveer hetzelfde mer nog erger. Liks te wuile en te dreije in bèd, precies es wents te op eine baer aan het rieje bès. En dan zaet dien vrouw 's mörges: doe höbs vannach weer de baer gereje. Doe höbs ónröstig gesjlaope.

[C = FOUT]

Het haet niks mit de Mosasaurus of mit baere te make. In Limburg zeen gein baere behauve op de boerderie. De baer det is ei mannelik verke. En ei verke -det wèt ederein- det deent neet óm op te rieje. Dao höbs te ei paerd veur.

De baer rieje beteikent dus: get doon waat totaal ónnatuurlik is, get totaal verkierd aanpakke.

 

[OPLOSSING = A]

de baer rieje: zich misdragen, uit de band springen