Waor of neet waor aflevering 434

dinsdag 21 januari 2003

Wim Kuipers

Kröts(j)

[A. FOUT]

Bekind waord. Zal me nao mörge nag mier heure, wen d'r weer nuuj ministers mótte kómme. Waat mótte die: 't landj is bao kröts - of krötsj in t zuje. Dao zit 't Nederlandjse krot in: keduuk, gans op de reipe, zagte veer.

[B. GOED]

Dao höb ich ein einfache oplossing veur: minstes de hèlf krötsje in de regering. En dan dink geer det det dames zien?

Nieks. Eine krötsj is eine kleuter, veer vief jaor. Die beginne zich net alles aaf te vraoge, zich te verbaze. Hiel belangriek veur eine polletieker.

[C. FOUT]

Leuk leuk einen daag veur de verkezinge. Krötsj haet dao helaas nieks mit te sjafte. Waal mit kruisbes. Die hit in Braobantj kroezebezie of kroesel, bie ós hie en dao kroonsjel, en is geneump nao de häörkes die op 't vel van de bes sjtaon. Zelfde wie kroeshaar. Krötsj is dus kroezig, haor det diek opein sjteit, bietje gedrejd, wie dök de tuinkers in ei bekske. En die tuinkers waert daoveur ouch hie en dao krötsj geneump.

 

[OPLOSSING: B]

Krötsj komt waarschijnlijk van 't langere kräötsj, in Kerkrade een kikker. Dat is een contaminatie, zeg maar combinatie, van de Duitse woorden Kröte, dat is pad, en Frosch: kikVORS.