Waor of neet waor aflevering 436

donderdag 23 januari 2003

Wim Kuipers

't Book umdrage

[A. FOUT]

Wie dök heurt me: dao kós ich ei book euver sjrieve. En det geit dan dök euver sjandale en zoe. Dink ouch aan het book van Petrus wo al dien zuunj in sjtaon, of 't book van Sinterklaos, en sjtèl uch veur eine dougenieks, dae van alles oetgevraete haet mae duit of d'r van nieks wit allein: hae dink neet det 't ganse dörp allang op de heugde is van waat eine petroen det is. Zie gedraag is al door 't ganse dörp róndjgedrage, jederein wit van zie gedraag.

[B. FOUT]

Die oetdrökking mót hiel aod zien. Limburg is Limburg gaon heite in 1813. Gaon veer drie jaor wiejer, doe kós 90% van de luuj hie neet laeze of sjrieve. Waat woor veur häör ei book? De Code Penal van Napoleon, penal, dao kump penalty vanaaf: sjtraof. Mer: die luuj wiste neet persies waat in det book sjtóng. En waat gebeurde: luuj die 't veur 't zèkge hauwe, kóste inins eine angere oetlik gaeve aan de wèt, krek of det book van de ein kamer nao de angere gebrach woor en d'r dan get angers insjting.

[C. GOED]

Ich höb 't hiel lestig vandaag. Wie de loesteriers waal weite, höb ich meis geliek, wiewaal veural B 't book waal ins umdreug, in zien beteikenis dan, mer ich zeuk 't meiste op. Noe ouch, ich hauw drei veller vólgesjreve. Helaas: heim laote likge. En ich höb meer umhenj, dus ich bón de juuste oetlik vergaete, ich weit allein nag waat die oetdrökking beikent: te laat kómme, zoedets te nieks mie kriegs van aete of bie ein verdeiling.

[OPLOSSING: C]

Deskundige C was natuurlijk de juiste uitleg niet vergeten, maar hij wou het niet te makkelijk maken. In de mis werd na het epistel het evangelieboek plechtig naar de andere kant van het altaar gedragen. Kwam je daarna de kerk binnen, dan was je behoorlijk laat.