Waor of neet waor aflevering 437

vrijdag 24 januari 2003

Paul Prikken

neet van broed tot kook kómme

[A = FOUT]

Typisch ein oetdrökking veur deskundige B. Dae begint ummer mit ei verhaol euver ziene nónk Harie ómdet hae neet van broed tot kook kèn kómme, neet van A nao B. Det kump omdet hae neet logisch kèn redenere. Hae begint get te vertèlle mer haufwaeg sjleit den Alzheimer toe, en dan wèt hae neet meer waat hae gezag haet, En zo wurt det ummer ein onsamenhangend verhaol. De oetdrökking beteikent dus: get probere oet te lèkge mer neet tot conclusies kómme.

[B = GOED]

Ich zal het ins oetlèkge en dan zulle v'r waal ins zeen! Waat is broed en waat is kook? Kook is lekkerder en duurder den broed. Wae allein mer broed te aete krieg en noots kook, dae haet het dus neet wied gebrach in het laeve. En det beteikent dees oetdrökking: neet van broed tot kook kómme is: neet veuroetgerake in het laeve, altied mer blieve aanmoddere.

[C = FOUT]

Neet van broed tot kook kómme zaet me es get ummer mer wurt oetgesjtèld. Bieveurbeeldj: eine jóng en ei maedje die al lang vrieje mer toch neet getrouwd gerake. Me zaet het es me zakes leut aansjleipe, es me neet kèn besjlisse.

[OPLOSSING = B]

neet van broed tot kook kómme : niet vooruit geraken in het leven