Waor of neet waor aflevering 438

maandag 27 januari 2003

Paul Prikken

gaar

[A = GOED]

Waat is het versjil tösje ein carport en ein graasj? Ein carport dao kóns te zoe oin en oet vare en in ein graasj zit ein paort, ein aafsjloeting, gaar. De gaar van de graasj, de aafsjjloeting van de graasj.

Loester mer nao het waord graasj: det kump van garage. Heurt g'r het? gaar-age. Sumpel: ein aag mit ein gaar d'rveur: same is det gaaraasj, of graaaasj op zien Limburgs. Vraog het mer nao bie de universiteit.

Ein gaar is ein houtere of iezere hèk, ein paort, ein aafsjloeting.

[B = FOUT]

De gaar det is ein greppel of ein gröb op de boerenhaof. G'r kènt det waal: in de midde loog de mèshoup en daonaeve de baerput. En van dae mèshoup leep ein gaar, ein gröb nao dae baerpöt. En door de gaar leep al het mèswater of de zeil dae nog in de mès zit nao de baerpöt.

En es de kinjer óndeugend of astrant waore dan zag de boer: pas op of ich sjmiet dich in de gaar!

[C = FOUT]

De gaar det is ei kruuts van twie houtere sjtekke. Det woort gebroek óm draod, touw of zeil fatsuunlik op te winje. Ein spoel of ein bobien, dus.

Het waord 'garen' kump dao trouwes vanaaf. Draod dae óm ein gaar, ein spoel, gewónje zit.

[OPLOSSING = A] 

Ein gaar = een houten hek. In Belgisch Limburgs zegt men ook: dien gaar sjteit aope. Dat betekent: je broek staat open.