Waor of neet waor aflevering 444

dinsdag 04 februari 2003

Paul Prikken

volaasj

[A = FOUT]

In dezen tied van het jaor kóns te baeter 's aoves op tied de volaasj veur de vinsters nao ónger doon. Det hilt de kauw boete. De volaasj det is het rolluik.

[B = FOUT]

De volaasj det is ein groete kooj wo me de kenarieveugel in zèt. Väöl koelpitte hauwe vreuger ein volaasj. Die kweekde kenarieveugel en daoveur tummerde ze zich in den haof, taenge het hoes, oet de windj, ein volaasj. Get latte get kukendraod mit dun gaetjes, en de volaasj waor vaerdig.

[C = GOED]

Al ins nao boete gekeke nao het waer? Het waer det is in dezen tied van het jaor volaasj, het is wisselvallig, wispelturig. Het waer is ei bitje wie ei vroumesj: het wèt neet waat het moot doon: raengere, vreze, sjnieje of de zón doon sjiene. Daoróm zaet me het ouch van vrouluuj en maedjes: die zeen volaasj, wispelturig.

 

[OPLOSSING = C] 

Volaasj: Maastricht / wuft, wispelturig, dartel, onbezonnen, verandelijk

Deskundige B bedoelde eigenlijk een volière