Waor of neet waor aflevering 445

woensdag 05 februari 2003

Paul Prikken

eine voot euver de sjtóp en den angere door de ziep

[A = FOUT]

Eine voot euver de sjtóp en den angere door de ziep, zaet me van emes dae hómpelt, dae hink. Es te mit eine voot euver de sjtóp löps en mit den angere door de ziep, dan höbs te zoe'nen huppelenden gank, op en aaf.

Me zaet het dus van luuj die hinke, hómpele, sjtrómpele.

[B = FOUT]

Eine voot euver de sjtóp en den angere door de ziep det beteikent: neet kónne keze, twiefele, tweeslachtig zeen. Zuus het al veur dich: eine kèn mer neet keze of hae op de sjtóp of door de ziep moot loupe: dus keus hae veur de twie. Eine voot op de sjtóp en eine in de ziep. Hae kèn neet keze, het is einen iewigen twiefelaer.

[C = GOED]

Als niet komt tot iet, kent iet zichzelven niet. Of: als niet komt tot iet is 't allemans verdriet. Det beteikent dees oetdrökking. Namelik det emes dae van niks is gekómme en dae meint det hae zich opgewirk haet danao det opsjöpperig leut blieke. Met de volkmóndj leut häöm dan good veule, namelik det hae vreuger ouch in de ziep, in de sjtaotgöt loog.

[OPLOSSING = C]