Waor of neet waor aflevering 447

vrijdag 07 februari 2003

Wim Kuipers

Bod

[A. GOED]

Haet te make mit de oetdrökking botje bie botje likge. Det waert allewiel mit ein T gesjreve: kwatsj. Det zien gein knäökskes, sjinkelkes, mae wichter. Kiek wie die vreuger loge mit drei, veer in ein bèd: naevenein, bodje bie bodje. Dus: ei bod, det is ei wich van veer, vief, zös jaor.

[B. FOUT]

Det höb ich ei paar maondj geleje nag ins geheurd: eine achter de bodde zitte. Toch neet achter de wichter aanzitte? Nae nae. Ouch neet achter de vodde zitte det is gei Limburgs. Veer zèkge: achter de vaere zitte. Eine achter de bodde zitte beteikent: eine ónsjadelik make, kaltsjtèlle. Ei bod is namelik ein grote plank wo-achter me de wintjerveurraod aerpel opsjloog, of de voorkrotte veur de kuuj.

[C. FOUT]

Noe mótte veer twie ós ensjele waat dit persies is. 't Haet get mit de boerewerreld te make. Mae neet waats doe zaes. Bod ummer inkelvoud is d'n oetval van appele en paere, de sjlechste d'roet, die veur de verkes wore. En in ermeujiger tiej, wie in d'n aorlog, maakde me dao kruutje van, ouch sjroep geheite of zeem stroop dus.

[OPLOSSING: A]

Bod staat onder meer in het woordenboek van Tegelen. Het is waarschijnlijk hetzelfde woord als poet. In heel veel dialecten komt de boedebaer voor: een wezen dat de kinderen bang maakt.