Waor of neet waor aflevering 449

dinsdag 11 februari 2003

Wim Kuipers

Floe

[A. FOUT]

Getverderrie al die wäörd oet d'n tied van veur 't feminisme. Manskaerels die in de ierste bank zote en mae sjelje op de vrouwluuj. Det zien floewe, ich laes geweun veur waat de waordebeuk zèkge dan hoof ich mich drek neet de móndj te sjpeule: floe det is een slordige, onordelijke, niet oppassende, vaak lichtzinnige vrouw. Onnag: van oppervlakkige levensopvatting en leefwijze. Jaja.

[B. GOED]

Waat ste neet zaes nutte kaerel. Doe mós ummer en ummer taengesjtröps zien, den doe bös eine echte floe, det is eine valse, gemeine kaerel.

[C. FOUT]

De weitesjap mót 't weer oplosse. Ich zal iers ónthulle waat floe is: hiel zaach. Me dink det det waord femilie is van floer ofwaal velours. Gluif ich neet. Ich dink det det mie mit 't Ingelse flow te make haet: vloeien, golven, stromen: dan dink me ouch aan get hiel zaachs.

[OPLOSSING: B]

't Waord is 't Franse filou: schurk, oplichter.