Waor of neet waor aflevering 451

donderdag 13 februari 2003

Paul Prikken

aan de rie zeen

[A = FOUT]

Ederein klaor mit aete? Ich kèn d'r ouch niks aan doon mer mit mienen etymologischen oetlèk moot ich mich kónsenterere op de middelste twie weurd van dees oetdrökking: de rie. Det is ein sametrèkking of verbastering van 'diarree'. Det is dus: de rie gewoorte. Aan de rie zeen beteikent dus: aan den diarree zeen, de aafgank höbbe, buikloop höbbe.

[B = GOED]

Sjmakeliken oetlèk! En waat gebäört er volges dich es d'r in ei gezelsjap teen luuj diarree höbbe en d'r is mer eine WC? Dan zeen die pas ech aan de rie! Dan moot ederein op zien beurt wachte.

Aan de rie zeen beteikent: aan de beurt zeen.

[C = FOUT]

Bèn ich nie éntjelik aan de beurt nao al dae kwatsj euver pratsj? Aan de rie zeen is ein oetdrökking oet de waereld van kótsjers of koetsiers.

Wae is aan de rie? Det is de man dae het leidsel, den toum van het paerd vashilt en het paerd besjtuurd. Aan de rie zeen beteikent dus hetzelfde es mennen, leiden, besjture.

 

[OPLOSSING = B]