Waor of neet waor aflevering 454

dinsdag 18 februari 2003

Wim Kuipers

Eine laere woep

[A. FOUT]

Waat doon väöl luuj die op klump loupe? Klossen. En dao versjliete de klump van. En wen dan gater in de klump kómme, kóns te die wegflikkere. Of nate veut kriege. Waat deej me dan? Ei sjtök laer ónger de klump tummere, mit van die houtere pinkes. En det heurde se wen me leep: neet klos klos, mae mier van woep. Eine laere woep is eine laere zaol, döks ouch rubber, ónger de klump getummerd.

[B. FOUT]

Eine laere zaol dae woep duit? Ja: ach centimaeter sjoemrubber mesjiens. Ich zal ins besjaaf woep doon (SOORT HIKKEN, MAAR ZACHT). Heurt geer det? 't Is net gei hikke, 't liek d'rop. Woep: dao kump mich get lóch nao boete. Det kump wen me de boek sjterk ingesjneurd haet, dan haet dae gein ruumte. Mansluuj die de gansen daag mit de sjörker móste vare, op de sjteinfebrikke, die hauwe eine laere bandj um de boek gesjneurd. Det is de laere woep. Ei kersjet veur mansluuj. Gewichhöffers höbbe det noe nag.

[C. GOED]

Noe haop ich det bao jederein veur mich sjtump, den ich höb drei daag mótte belle veur ich wis waat eine laere woep woor. Sakkerloot waat woor det lestig. Veer mótte daoveur nao de Piel, wie dao nag väöl turf zoot. Dan hauw me dök in loester: in , midde in ei naat sjtök turf, dao zote van die eilendjes, die get vaster leke. Mer vergaet dich neet: allein baovenop. Binned'rin wore ze gans sjprok. Ze kóste sebiet oetreinvalle. Sjtum allemaol op die eilendjes in de Piel.

[OPLOSSING: C]

Deze uitdrukking staat in het Maels Waordebook - van Meyel dus.Betekenis: eilandjes in drassig veen die ogenschijnlijk hard zijn. Het woord woep zal verband houden met het werkwoord woeperen: wippen, op en neer gaan.