Waor of neet waor aflevering 455

woensdag 19 februari 2003

Wim Kuipers

Koekoekezeiver

[A. FOUT]

Koekoekezeiver dan dink me aan dae rare vogel. Al ins eine vogel gezeen dae zeivert? Ze piese onneet. Nae de koekoek is hie get angers, ich citeer 't waordebook: "lichtkolk voor een raam onder de begane grond. Synoniem: keldergat." Zjuus. En door dae koekoek kump get raengel nao binne, dieke mis, naetsigheid, vóch, en dan kries te van die gries plekke op de beerfleskes. Of ei bietje nate vloer. Det beteikent neet det de kelder leek, nae: koekoekezeiver is vóch dae door 't keldergaat nao binne is gekómme.

[B. FOUT]

Waat duit eine koekoek? Dae duujt de jónge van anger veugel oet 't nès, lik dao zien eier in die die veugel weer oet gaon breuje. Hae hoof bao nieks te doon wie eine man dae zien wichter nao kossjool sjik, of ummer bie de oma parkeert, en dan mae opsjöp waat geweldige kienjer hae haet. Det waert koekoekezeiver geneump: opsjöppe van luuj euver dinger wo ze wienig aan biegedrage höbbe.

[C. GOED]

Waat ein verzinsels. Kóm ich mit de waorheid, en dan liek die weer zoe geweunkes. Koekoekezeiver, det zien die dieke kwebbelige kwabbele aan eine boum dae gebloojd haet. Die zuut me meis bie proeme en keerse.

[OPLOSSING: C]

Zeiver zegt men meer in Noord-Limburg. In het woordenboek van Valkenburg staat: koekoekesjtrónt(j).

Het Nederlands heeft koekoeksspeeksel: schuimklontjes aan planten, afgescheiden door het schuimbeestje. Heel wat anders dus.