Waor of neet waor aflevering 457

vrijdag 21 februari 2003

Wim Kuipers

Sjtórkel

[A. FOUT]

Intjelik weer ei good boerewaord. Geer kint det sjitterend leedje van Ger Bertholet, mit es refrein: Ju paerd de kar haet zeik.Geit euver eine voorman dae t m gaer lös, de kaffee ingeit veur ei dröpke of veer, vief en al daen tied sjteit zie paerd boete, mit ein ker krotte. Mae um t det deer neet al te zjwaor te make, haet de voorman de ker op de sjtórkel gezat: eine paol veur sjteun - ónger de linkerboum van de ker.

[B. FOUT]

Maak 't neet te lestig mit dae paol. 't Is gans einfach mit dae sjtórkel: dao kómme kiendjes van. Ich zal 't Duutsje waord mae neet neume, waert 't kienjerechtig. Eine sjtórkel, ich kan d'r neet mie van make, 't is helder wie vreuger de baeke, det is eine ooievaar.

[C. GOED]

Aha dao kómme de kiendjes van. En wie dan? Dae ooievaar pik de maedjes, en dan ¼ Laot ich noe geheurd höbbe det de kienjer oet ei hötje moos gekrope keme. Went geer det neet versjtaot: uit de kool. En waat is noe eine sjtórkel? Zoene sjtrónk van moos naodet 't hötje weg gesjneje is de naogebaorte zoegezag, of ouch: de sjtoeb van eine boum.

[OPLOSSING: C]

Opmerking: die Duitse ooievaar was de Storch, en beide woorden zijn dan ook verwant, want de ooievaar die loopt op stijve benen: benen als een stronk.