Waor of neet waor aflevering 459

dinsdag 25 februari 2003

Paul Prikken

van de wap zeen

[A = FOUT]

Ein oetdrökking oet Baolder. De WAB, det waor dao vreuger de kattelieke bewaeging van de Anonieme Alcoholisten. WAB det wurt mit ein B op het énj gesjreve en het beteikent: Weg mit Alkohol en Beer.

Van de WAP zeen beteikent dus: Lid zeen van de anonieme alcoholisten, den alcohol aafgezjwaore höbbe, neet meer drènke, van de blauwe knoup zeen.

[B = FOUT]

Nei, nei, WAP wurt mit ein P op het énj gesjreve. De WAP det waor in 1908 de ierste vakbondj op de posteleinfebrikke in Mestreech. Doe besjtóng den FNV nog neet en dae bóndj heisjde: Welzijn door Arbeid op de Potterie. Later woort die oetdrökking oetgebreid. En doe beteikende ze: lid zeen van de vakbóndj, militant zeen van de vakbóndj.

[C = GOED]

Ja, es ze eine weitesjappelike oetlèk mote gaeve zeen ze nörges, die twie.. WAP det is einen term oet de psychiatrie en de geistelike gezóndjheid en het beteikent Weldenkend Antroposofisch Persoon. Ederein dae ze allemaol op ein rie haet en gein pan van het daak haet, dae kènt die aafkorting. Deskundige A en B die kènne die neet, wie het weer bliek, en die höbbe dus geine WAP mer die zeen van de WAP. Die zeen de kluts kwiet, die zeen van sjlaag, die zeen van hunnen à propos aaf.

 

[OPLOSSING = C]

van de wap zeen / de kluts kwijt zijn