Waor of neet waor aflevering 465

dinsdag 04 maart 2003

Droensjele

[A. FOUT]

Interessant waord wo det vandan kump. Loester. Geer kint die meining euver koekerel, det dae naam kump van Kuck er all: dae zuut alles umdet d'r róndj drejt. Kwatsj. Zoe is ouch de verklaoring van droensjele kienjerwirk. Kump in Naord-Limburg veur, wo me lang bie Pruses geheurd haet. In droensjele zól UNTER UNS te heure zien. Allei mae de beteikenis is dudelik: droensjele is lekker in daen toemel meigaon, dun biejein, glaeske beer, ouge toe en dan lekker róndj drejje. Kan me neet genóg doon.

[B. FOUT]

Waat ei verhaol. En dao klop nieks van. Droensjele is get wie boemele dink aan de boemeltrein: dae sjtop zoeget bie jedere boum. Noe droensjele: nae: det is neet waat geer dink, van kaffee nao kaffee, nae: det kump oet d'n tied det de jóngeren bao gei geldj hauwe veur de kaffee. Ze gónge dan mit de foekepot de hoezer langs, bie dieke boere, veur ei dröpke te kriege.

[C. GOED]

Jónges jónges, blieg geer noe zeivere euver vreuger, wie ei broedspaar mit paerd en ker nao 't sjtadhoes voor. Droensjele is ei gans geweun waord, det me ederen daag nag kan heure. Ouch mit de Vastelaovendj, op einen daag wie vandaag. 't Is bienao aafgeloupe, tied te kórt, mae wen ei sjtèle oetgeit, dan is 't allewiel meis de kaerel dae neet opsjuut, dae mót zich nag ekkes get laze, efkes nao 't sjaatse op de tv kieke of waat Balkenende noe weer, en dök valle häöm dan de ouge toe. Det is droensjele: suffen, knikkebollen.

[OPLOSSING: C]

Het woord komt in het Weerter land voor, en is een variant van het Hoogduitse druseln en Nederlands doezelen, dat eigenlijk duizelen zou zijn.