Waor of neet waor aflevering 466

woensdag 05 maart 2003

Paul Prikken

witbroed veur wèk trökgaeve

[A = FOUT]

De meiste luuj weite det neet mer in het witbroed höbs twie versjillige saorte: het witbroed en de wèk. De wèk dae is van zuver geraffineerde terf gemaak mit milk en het witbroed is van òngeraffineerde terf mit water gemaak. Es me dich dus witbroed veur wèk trökgeuf dan kriegs te neet hetzelfde, mer minder. Det beteikent de oetdrökking: emes tekort doon, emes get van minder kwaliteit trökgaeve. Bieveurbeeld: es te einen occasion köps en levers dienen auto in en later bliek det diene nujen occasion nog sjlechter is es dienen auwen auto. Dan höbs te witbroed veur wèk trökgekrege.

[B = GOED]

Gans het taengeneuvergesjtèlde. Het beteikent hetzelfde es loed óm aud iezer. Mit gelieke nunt trökbetale. Oog om oog, tand om tand. Es dich eine in de kefee ein bauw oug houwt dan houws doe häöm ouch ein blauw oug. Zoe sjteit de standj weer geliek.

[C = FOUT]

Deskundige B is geine veurstenjer van de tolerante maatsjepie. Nei, nei: me zaet de oetdrökking es eine witman veur den twiede kier trouwt. Dan krieg hae witbroed veur wèk trök. Mit zien ierste vrouw haet hae de wèkwaeke mit de huweliksreis gehad en mit zien nuuj vrouw krieg hae het witbroed. Ze zeen get auwer en verstenjiger gewoorte en de leefde is neet meer zo hevig. Det beteikent het: mit eine twiede partner ein relatie aangaon die meer op het verstandj es op de leefde gebaseerd is.

 

[OPLOSSING = B]