Waor of neet waor aflevering 467

donderdag 06 maart 2003

Wim Kuipers

[A. FOUT]

(maakt danspasjes). Zeet geer det, waat ei denske. Bao ballet. De vrouwluuj zèkge 't ouch: ich bön nag danig rief veur miene laeftied. Rief, det is lenig, gezjwank.

[B. FOUT]

Wen in Kirchrao get te doon is, kan me dao bie van die kräömkes naeve de waeg riefkook kriege. Mae dae kinne ze in 't naorde, Gennep, Mook, dao kinne ze dem ouch. Dan mót det rief ein ech Limburgs waord zien. Klop - en hiel aod. Dae kook, dae is gemaak van - loester good: sjlierte aerpel, wie ze oet ein rasp kómme. Pierelinke van spaghetti zoegezag. En waat zègke veer dao och taenge? Reifele. Rief kump van Middelnederlands rijfelen, en is dus: eine reifel, sjtökske vleis of laer of sjtóf.

[C. GOED]

Det van det Middelnederlands klop waal, det die luuj det waord kóste. Allein woor det rieve, en det haet ein gans anger beteikenis. Lenig zól me mit väöl kopbraekes nag waal, nae: det geit te wied. Me kan waal zèkge det eine krampachtig, sjtief dus, neet lenig op zie geldj zit, mae lenig geldj oetgaeve? Nae. Det is waal rief: royaal, riek, sjeutig, overvloedig en nag eine gas van die wäörd.

[OPLOSSING: C]

Rief van riefkook beteikent det de aerpel of petatte gerasp zien. Ein rief = ein rasp, mae det is neet gezag