Waor of neet waor aflevering 469

maandag 10 maart 2003

Wim Kuipers

Sjebiene

[A. FOUT]

Prachtig, ei gans aod waord. Nónk Gerard (Zjeeraar) hauw dao ei mupke euver, wiewaal det waor gebeurd woor, zag d'r. Ei menke woor einen daag neet op sjoel gewaes. Woveur neet?, vroog de meister sangerendaags. Ich mós de sjebiene sjoere, zag 't menke, en doe kreeg hae mich ein watsj. De meister hauw versjtange: begiene sjoere. Sjebiene, det zien de sjtiele langs de deur.

[B. GOED]

Kreeg det menke ein watsj? Haet hae nag gelök gehad. De meister hauw ouch duchtig kónne sjebiene, en det hauwe wichter vreuger nag minder gaer es sjlaeg. Noe neet mie, schelden doet geen pijn, heurt me, mae vreuger, wen de meister good oetpakde. Sjebiene: det is sjelje.

[C. FOUT]

Was ist eine Biene. Kennen sie die Biene Maia Maja de Bij? En waat doon bieje? Die vlege van bloom nao bloom. Sjebiene, det is get zjwerve, róndjloupe sónger dudelik doel.

[OPLOSSING: B]

Sjebiene staat o.m. in het woordenboek van Echt. Vlaams is onder meer schabeeuwen.