Waor of neet waor aflevering 473

vrijdag 14 maart 2003

Wim Kuipers

Sjamfoeter

[A. FOUT]

Sjamfoeters, die gaon veer weer väöl kriege, lèt op mien wäörd. Kump door de vazel economie. Waem kan nag ei pilske van einen euro zevetig berappe? Det waert weer wachte of d'n aannummer ei rundje guf, of de wèthauwer. Dao sjtaon van die sjamfoeters op te passe. Sjamfoeter: eine dae ummer en altied van angere profiteert.

[B. FOUT]

Bie 't wielrenne, dao is det eine plekker, noets de kop numme, meins doe det? Kump d'r oetintjelik aan op de Champs Elysées, hup, sjprintje, gewónne. Champs Elysées, de eeuwige velden. Champ is veldj, kinne veer es kamp: 't veldj net boete 't dörp. En det waord zit ouch in de sjamfoeter, en noe wit geer 't al: det is de veldjwachter.

[C. GOED]

Veldjwachters, dao hauw me echte sjamfoeters bie. Die dougde zelf neet. Geweun pliese, det wore meis fetsuundelike luuj, mae veldjwachters: dao hauw me riechtige sjamfoeters bie, netjes gezag: die wore ei minderwaardig sujet.

[OPLOSSING: C]

Kump van 't Franse jean-foutre, en foutre, det is waat veer noe netjes nejje neume.

A. doelde op 't waord sjammetere = profiteren.