Waor of neet waor aflevering 474

maandag 17 maart 2003

Wim Kuipers

Hae is van de praeksjtool gevalle

[A. FOUT]

Sjieke oetdrökking. Me mót det veur zich zeen: zjwaore rónje eike praeksjtool, daobaove de kop van pesjtoer, en ónger de praeksjtool: nieks. Laeg. Wo duit det aan dinke? Kiek nag ins good: markante kop, dan nieks. Van de praeksjtool gevalle, det is wen eine zich de haore achter gans kaal aaf haet laote sjaere.

[B. FOUT]

Good gevónje, mae det valle wo blief det? Nae, de beteikenis is gans angers. Kump neet mie veur, of drei maol in de teen jaor, det nag eine geiselik van de praeksjtool vèlt, det is: hae duit de toog oet, treujt aaf, guf 't wierouksvaat aan Merte zoegezag.

[C. GOED]

Woveur troje ze vreuger dök aaf, en noe onnag, die kepläöns? Wen ze ein aardig vruike gezeen hauwe, det ouch waal get in zoe'ne zjwarte zoog. Dao haet det mit te make. Van de praeksjtool valle, det is gaon trouwe.

[OPLOSSING: C]

De oetdrökking wies op het feit det de twie die wólle trouwe in de kirk aafgerope waerde. Kós me bezjwaor make, beveurbeeldj wen dae kaerel al ein anger hauw in Pruses of Belsj.