Waor of neet waor aflevering 475

dinsdag 18 maart 2003

Wim Kuipers

Rieze

[A. FOUT]

Ha rieze Japan: Landj van de Rijzende Zon. Die kump dao oet de zie umhoeg. Mae neet allein de zón kump umhoeg, ouch sjterre: jóng voetballers, filmsjterre, zangeresjes: "haar ster rijst snel" leus me dan in de gezet. Dink noe nag aan 't Duitse Riese reus, en 't is dudelik: rieze det is: zich eine óntzettende póngel meine, dinke det me geweldig is.

[B. GOED]

Japan? Waat höbbe veer daomit te sjafte? Ze neume ós Chineze. De zón sjient sjoen Sjeng, en det rieze, det is krek angersterum es waats doe zaes. Rieze is neet hoegerop mae nao ónger valle, en dan neet van sjterre of zón en maon, nae van gans klein dinger, klein körrelkes.

[C. FOUT]

Rieze dan mótte veer aan ries-erte dinke. Die zeen neet zoe diek wie soep-erte, mae waal dieker dan peule, en dao zitte waal degelik ertjes in. Kan me maekelik oet de sjaal haole, mit de nagel van d'n doem, en det hit rieze: erte of bone pelle, oetdoon.

[OPLOSSING: B]