Waor of neet waor aflevering

donderdag 20 maart 2003 477

Wim Kuipers

Echel

[A. FOUT]

Egchel, det is ei dörpke in de gemeinte Helden. En hiel hiel toevallig weit ich det 't aodste maedje van Egchel, juffrouw Doortje, vandaag 93 waert. Zie sjteit ouch in ei book euver Egchel, en in det book sjteit waat Egchel beteikentj, en dink dan aan 't Duitse Eich, eik, plus d'n oetgank el, wie Kessel, Huunsjel. Det is 't zelfde wie in Noord-Limburg lo, ich num Melderslo: ein nate plaats. Echel is dus: ei naat eikebuske.

[B. FOUT]

Ich zèk neet det det 110 percent kwatsj is, mae hie waert neet nao plaatsname gevraog. 't Waord echel is femilie van egel, wo veer sjtikkelverke taenge zèkge. Dink noe aan stekels opzetten, stekelig, en dan wit geer waat einen echel is: eine neutelike, vitterige vent, krities wies baove d'n hood, eine dae rap op de kies zit.

[C. GOED]

Op de kies, of op de kas? Kan ich mich indinke wen dae vent door einen echel begaffeld is. Sjtikkelverkes euverkump det neet: die kómme noets in 't water. Waat is 't noe: eine bloodzoeker. Zoeker. Allewiel heurt me bloodzuger, mae zuge, det is ummer hetzelfde, wie de sjtaofzuger duit. Zoeke is mit tössepeuskes. Weer get gelierd.

[OPLOSSING: C]