Waor of neet waor aflevering 479

maandag 24 maart 2003

Wim Kuipers

Avendans

[A. FOUT]

Gojemiddig zoe maekelik is 't nag noets gewaes. Einen avendans, det is ei denske in d'n aovend. En waem duit det opvallend? Mökge in 't laat leech van de zón, die danse dich wies in de móndj. Mutjes róndj 't leech van de luchtepaol kiek ins waat eine sjoene avendans, waert dan gezag.

[B. GOED]

Hiere hiere 't is nag ummer de Heilige Vaste, en dan moog neet gedans waere. Me moogde bao nieks vreuger, neet ins nao de meid gaon door de waek. Wat móste de menner dan? Teevee goof 't nag neet, dan waerde zich get gekaart. En eine kier in de vaste, per dörp dink ich, of ins de doezjend kier, sjpeelde ein van die vriejers einen avendans: hae haolde gans allein alle sjlaeg binne.

[C. FOUT]

Kreeg dae sjlaeg? Einen avendans is gaaroet neet get van vreuger, neet alderwits wie ze in Venlo zèkge. Loester: det ald is in Remuunj aad gewaore of aod: die L is weggevalle. Ouch in avendans. Det is einen alvendans, einen dans van de alvermenkes of auvermennekes, ei saort kebuiterke, en die doon det um de elfjes oet te dage.

 

[OPLOSSING: B]

Komt van 't Franse abondance: overvloed, rijkdom.