Waor of neet waor aflevering 480

dinsdag 25 maart 2003

Wim Kuipers

Mit de krómmen erm gaon

[A. GOED]

(Zingen s.v.p.) Magnificat anima mea domine. Zjuus: vandaag Maria Boodschap. Elisabeth ging häör nich Maria felicitere, umdet die in verwachting woor. Wie 't kiendje d'r woor, kós ze neet op kraamvisite gaon: ze wis neet wo dae sjtal in Bethlehem loog. Det is waal mit de krómme erm gaon: op kraamvisite gaon.

[B. FOUT]

De Biebel is kinnelik euveral good veur. Mer van eine krómme erm hoof nag gein kiendje te kómme. Die oetdrökking waerde gebroek wen ei maedje of zèk vrouw van taenge de dartig intjelik eine vriejer hauw. Dae wól ze neet kwiet, dae hool ze sjtevig in d'n erm vas. Zoe zoge ze die twie door 't dörp loupe, en dan waerde gezag: kiek det Magda dao mit de krómme erm gaon: op aojere laeftied eine vriejer kriege.

[C. FOUT]

Ja zoog me det vreuger waal hie op oos dörper? Weit ich neet. Noe waal nag in Amsterdam of in wiej lenj. Zoe vruike mit de handj wie ei sentebekske veuroet, en d'n erm bang gebaoge, neet rech veuroet gesjtaoke, dan kriegs te nieks. 't Zal dudelik zien: dees oetdrökking beteikent geweun: baedele.

[OPLOSSING: C]

De uitdrukking is in heel Limburg bekend, en de verklaring is: je nam de geschenken voor moeder en kind mee in een korf, die je met de kromme arm droeg.