Waor of neet waor aflevering 491

woensdag 09 april 2003

Wim Kuipers

Breid

[A. GOED]

Mesjtreech is neet laank mae breid, en det is hiel jaomer. Wen det neet zoe breid woor nao oze kantj, dan hauwe ze dao al lang ei breid neergezat van zeker zeve maeter hoeg. Kóste ze dao neet euver, die prengele. Breid, det is ein plank veur get taenge te haoje.

[B. FOUT]

Lestig lestig. Ich kan de luuj baeter get helpe. Kiek in ei Ingels waordebook, bie brittle, en dao zuus se: bros, breekbaar, dao höbbe veer 't waord sjprok veur, mae dan kump: wankel. Det is breid, beveurbeeldj van eine houp gesjtapelde klutskes: aope-haardhout in 't Hollesj. Of eine berm gers of kaore, dae kan ouch breit zien, en dan sjuut d'r aaf.

[C. FOUT]

Wen ich uch good mein te versjtaon dan is breid ein wankel plank. Ein wankel plank die aan ein aoj boereker kan zitte, zjuus, en die ker die wankelt, die hoebelt en kloetsj en boetsj mae wiejer en wiejer, door - of euver - 't breid: ein deep kerresjpaor.

[OPLOSSING: A]