Waor of neet waor aflevering 494

maandag 14 april 2003

Wim Kuipers

Haarinkele

[A. GOED]

Det is ein hiel biezunjer wirkwaord. Hie mót eigelik zich bie, krek wie bie beechte. Me kan neet eine angere beechte. Waal eine angere sjnieje, sjtampe. Mae neet haarinkele. Det is dich zelf sjtampe, en waal mit de klump taenge de inkele. Keem vreuger väöl mie veur, umdet de wichter sjeif bein hauwe, van de Ingelse zeekde.

[B. FOUT]

Inkel is dus Ingelse zeekde allei. Waat is einen inkel? Enkel in 't Duutsj, kleinkiendj. En det HER is obbernuuj, weer, wie in herkinne. En dan zeen veer d'r. Haarinkele, det doon oma's die get van häörzelf in 't kleinkiendj, herkinne. Dan waert gezag: kiek die twie, opa en oma dus, die zien zich get biejein aan 't haarinkele. De móndj haet d'r van dich, en de ouge geer kint det waal. ¼

[C. FOUT]

Haarinkele det mót ein hiel aod waord zien. Kan good, den de harinkele zien ouch van alle tiej. 't Is ei breurke van 't Duutsje Halunke. Geine wit waat van die twie wäörd 't aodste is, of 't ein van 't anger kump. En waat is 't noe, Halunke, haarinkel: eine sjurk, boef, dougeneet, rótzak.

[OPLOSSING: A]