Waor of neet waor aflevering 495

dinsdag 15 april 2003

Paul Prikken

kernistele

[A = FOUT]

't Is lente en noe zitte de veugel weer te kernistele in de kernis, den daakdröp, de kaanjel. Ich haat det. Es te de deur oet kumps dan lik dao allemaol mos op de sjtóp. De veugel sjmiete dae oet mien kernis óm de wurmkes te vènje ómger dae mos in mien kernis zitte. Kernistele beteikent dus wroeten, dabbe, vreutele, peutere.

[B = GOED]

Emes dae kernistelt es het lente wurt, det kumps te neet dèks taenge. De meiste luuj zeen blie es het veurjaor is. Mer van iewige zjwartkiekers, kernistelaers die kernistele euver alles en nog get kóns te det verwachte. Die klage, die grómmele. Det beteikent kernsistele: mopperen, klagen, grómmele, zanike, lamentere.

[C = FOUT]

Kernistele: det heurs te toch al aan het waord. Det is gein waord veur de lente mer veur de wintjeraovend. Es te veur den aopen haerd zits en het hout lik dao et kernistele in het vuur. Det is kernistele: knapperen, knistere, knettere van brennend hout in het vuur.

[OPLOSSING = B]

kernistele: mopperen, klagen, klaaglijk spreken, (Weert)