Waor of neet waor aflevering 505

woensdag 30 april 2003

Paul Prikken

kopere keuning

[A = FOUT]

't Is in de waereld sjlech verdeild. Es te veer man neudig höbs óm te kaarte zeen d'r dèks mer drie. Ofwaal zeen d'r vief en dan höbs te eine teväöl dae neet mit maog doon. Mer in det geval maaks te de viefde man de kopere keuning, det is de man dae op euversjot zit. Dae het sjpel euvernump es eien kaarter nao de WC moot gaon of es ziene GSM aafgeit. Dan zèkge ze: laot de kopere keuning wiejerkaarte. Det is het: de viefde man bie het kaarte, den insjprènger, de man dae op euversjot zit.

[B = FOUT]

Es het technisch wurt beginne ze sjtómme kwatsj euver kaarte te verkoupe. Al ins oots ein auwerwètsige pómp gezeen? Det liek einfach, zoe'n auw pómp, mer det is good oetgedach en dao zitte einen houp óngerdeile aan, ónerangere de kopere keuning: det is de zugersjtang van ein waterpómp. Die sjtang die baove in de pómp aan de zuger zit en mit het pómpe op en aaf geit.

[C = GOED]

In ein zaak höbs te geliek: het is technisch, want eine kopere keuning moot heel get techniek in hoes höbbe. De kopere keuning det waor vreuger eine sjtraotmuzikant; zoe eine dae einen houp instrumènte tegeliek besjpeelde. Tösje zien kneje hauw hae de cimbale, de dèksele, mit ziene voot trok hae aan het tuike van de dikke tróm en óngertösje bloos hae ouch nog op ei móndjmeziek en op ziene kop hauw hae ouch nog einen hood mit belkes. Kopere keuning: sjtraotmuzikant, Nikkele Nelis, zaet me in het Nederlands.

[OPLOSSING = C]

kopere keuning: straatmuzikant, nikkele Nelis (Weert)