Waor of neet waor aflevering 508

maandag 05 mei 2003

Wim Kuipers

Traochele

[A. GOED]

Traochele dao zit natuurlik traog in. En woveur zien miense traog? Döks ouch umdet ze nag neet besjlis höbbe waat ze persies wille doon. Oetsjtèlle - mae ze mótte waal get doon. Beveurbeeldj ei kleid make, eine bloes, ei bukske, en dan moke ze det efkes rapsjnel mit grote sjteek, 't woor vaerdig mae nag neet definitief, wie ze wólle. In het Nederlandjs: voorlopig naaien.

[B. FOUT]

Doe höbs ei bietje geliek det 't mit traog te make haet. Mae det zit neet in det waord. 't Is ein saort raochele, de sjtoof oprakelen wen die traog brandj. Det is de fienheid van 't Limburgs. Wen me ei vuur maak, in ein sjtoof, mót me det vuur zuursjtóf gaeve. Dan raochels te efkes. En dan brandj det grei kaole, sjlam, hout: maak nieks. Dan kalt me get, kiek tillevies, en allei: me zuut kaum gei vuur mie. Traochele is obbernuuj raochele, wie gezag: OPrakele van vuur det bao oet is. Döks lök det neet. Raochele duit me in branjend vuur.

[C. FOUT]

Waat mót ich dao nag op zègke, behalve de juuste beteikenis. Algemein bekind: allei doe, sjeet ins op, lik neet zoe te traochele. Treuzele, neet kónne opsjete.

[OPLOSSING: A]