Waor of neet waor aflevering 510

woensdag 07 mei 2003

Wim Kuipers

Tieske

[A. FOUT]

Tieske dao mót me get tale veur kinne. Zaet uch tjoedesco get of tiedesko. Nae? Det is Sjlavisch veur Duitslandj, Teutonië, ja loester: ouch Tuits waerde hie vreuger gezag. Det waord höbbe de koempels oet Kroatië, Sjlovenië en de Polakke veur d'n aorlog mitgebrach ze sjpoke det ammaol net get angers oet, en dao is EIN waord in de koele oet óntsjtange: Tieske veur eine Pruus, en det wore dök de opzichters, in de begintied.

[B. FOUT]

Hie liert me nag get. Noets geweite det t Fries ein Sjlavische taal is. Tieske haet namelik mit 't Friese tiezje te make, en det is: óntraofele. Waat waerde oetreingehaold? Eine ties: ein touw van twie dunner touwe gevlóchte, of de sjtert van ei paerd of ein haorvlech in twieë gedrejd. Tieske: dao zit het waord twie in, mae aojer, vanoet 't Letien, dink wiejer aan Sjpaans dos.

[C. GOED]

Ich dach det dit zich euver de Limburgse taal hanjelde. Mae veur waere nag internationaler. Al ins aan 't Ingelse tie gedach (uitspreken als tiej, meervoud van tied, dus met ie). Dao zèkge ze waal taj taenge, mae det bómp neet. Noe is det eine sjlieps, krevat, mae det waord kump netuurlik oet d'n tied det zelfs de Ingelse geine sjlieps hauwe. 't Woor geweun eine lap, en zoe bie ós, oet ame. Tieske, det is eine pannelap.

[OPLOSSING: C]