Waor of neet waor aflevering 516

donderdag 15 mei 2003

Wim Kuipers

Gavel

[A. GOED]

Kint geer uch nag herinnere, twie maondj haer, det monemint veur Hennie Kuiper op 't inj van Peries-Roubaix? Wo hae twintjig jaor geleje wie d'r op kop loog zien veurvork brook? Ja zeet geer det veur uch, die vork, saort gaffel, ja? Kiek: det is noe de gavel: vork van eine fits. Gaon ich mich ein tas kóffie drinke, geer kómp d'r toch neet oet.

[B. FOUT]

Allei dan, dae nónk dae ich van uch neet mie d'rbie moog haole, dae lierde mich ei versje - wen klein jungskes, menkesbebies, wen die begóste te kroepe: mit de navel euver de gavel, mit de piezel euver de kiezel. En waat woor noe gavel? Zjwaordere zandgróndj wie bie ós op 't Hinge, mae ouch in de buurt, richting Zitterd: zandj wo nag get van dae diekere löss in zit.

[C. FOUT]

Gavel det haet mit gaeve te make. Me kan get gegaeve kriege bie de gebaorte, beveurbeeldj ein sjitterende sjtum, det hit: ein gaaf. Mae wen me zelf get geuf, aan eine angere, det kan ein gavel zien. Einen taot keerse, eppel of paere in eine sjolk gebónje, det hoot ein gavel paere. En hiel spesjaal woor det get van 't verke, wen de boere gesjlach hauwe in november. Dan brach me ein gavel, es ierste nao pesjtoer.

[OPLOSSING: A]

Gavel komt voor in het noorden van Limburg en in het aangrenzende Kleverlands: het gebied rond Kleef. B bedoelde zavel.