Waor of neet waor aflevering 518

maandag 19 mei 2003

Wim Kuipers

Sjpoetse

[A. GOED]

Sjpoetse moog ich efkes hel waere? Det is helaas gein Limburgse eigesjap, sjpoetse. Veural hie in 't zuje, dao zien 't gein sjpoetsers. Die Limburgse kloeps in de, wie hit det ouch al weer, de eerste divisie, die sjtaon nörges. Kónne neet voetballe, allei, mae hauwe zich waal mótte sjpoetse. Hollenjers doon det: zich inins diek make, opzjwelle.

[B. FOUT]

Te laat te laat, 't is noe wied te laat veur zich nag te sjpoetse loer wo ze sjtaon die foetbellerkes. Waert noe nieks mie, want sjpoetse, det is femilie van sjpoje, 't is hiel hel sjpoje, get afraffele.

[C. FOUT]

Sjpoetse: ich weit neet allein waat 't beteikentj, mae ouch de herkóms. Det hit: volges inkel volkskundige dan. Sjpoetse woor hiel vreuger: wirke mit de sjpoets, ei paerdje det veur 't iets aangesjpanne woor. Logisch det det neet zoe maekelik góng, d'n ierste kier. En dao is sjpoetse van euver gebleve: wirk doon dets te neet gewind bös. Beveurbeeldj: doe bös aan 't pleestere, det is neet zoe maekelik, vreug eine: enne, lök t?, dan krieg dae te heure: geit waal, ich bön nag get aan 't sjpoetse.

[OPLOSSING: A]

Een ontsteking kan bijvoorbeeld sjpoetse: plotseling opzwellen, zodat de etter er bijna etc..