Waor of neet waor aflevering 520

woensdag 21 mei 2003

Paul Prikken

boumdrek

[A = FOUT]

V'r höbbe het hie al gehad euver hiemel en aerd: det zeen sjiefkes aerpel en sjiefkes appel die in de pan gebakke waere. Dit waord kump dao in de buurt. Want boumdrek det kump natuurlik van eine boum, mier bepaold van einen appeleboum. Het is ein anger waord veur appelemoos. appelekómpot, appelesjpies, appelmoes.

[B = FOUT]

Appelekómpot... dan moos dich waal väöl hónger höbbe, óm euver diene sjmaak nog maar neet te kalle. Want boumdrek det köps te allewiel in zekskes van 20 of 50 kilo bie de tuinspisjaalzaak. Potaarde zèkge ze dao taenge, potgróndj. Het is van daen humusgróndj dae me gebroek óm plentjes in te paote. Daoveur heisj het drek. Boumdrek is potgróndj.

[C = GOED]

Bekans alle veugelkes zitte gaer in eine boum. Mer sómmige veugel zuus te noets in eine boum. Bieveurbeeld: de sjtruusvogel, de gelöksvogel en de pechvogel. Woveur zuus te noets eine sjtruusvogel in eine boum? Det kump ómdet dae ei boumdrekcomplex haet. Dae vertroewt de buim neet want es hae op eine boum mit boumdrek geit zitte dan wurt de struusvogel eine pechvogel. Dan brik den tak aaf en dan dóndert de sjtruusvogel mit zien klitse oet dae boum. Boumdrek is dus molm, vermolmd hout, rot hout.

[OPLOSSING = C

boumdrek : molm, vermolmd hout