Waor of neet waor aflevering 528

dinsdag 03 juni 2003

Paul Prikken

bibbel

[A = GOED]

Ja, noe moot ich trökgriepe nao mien kinjerverdreet. Wie ich nog jónk waor, zoe ei jaor of 18 kós ich nog neet good Nederlands en doe waor ich harstikke verleef op ei maedje oet Noord-Limburg. Ich sjreef häör lang breve en ich wól sjrieve: 'ik ben verkikkerd op jou'. Mer ich sjreef: ik ben verkwakkerd op jou. En zie sjreef trök: "sjtómme Zuud-Limburger, es doe eine kwakkert bès, haut diene bibbel mer!" En ze maakde het oet.

Det waor ei sjpits maedje. Want noe kump mienen oetlèk: bibbel det is kikkerdril, kwakkertegäöt.

[B = FOUT]

Veur de luuj die verkwakkerd zeen op 'Waor of neet Waor' höb ich good nuuts: de gooj oplossing is B. Deskundige B mit de B van Bibbel. Want bibbel is hetzelfde es doorzicht, verstandj. Eine mit bibbel det is emes dae eine klaore kiek op de zaak haet.

[C = FOUT]

Ei wesjbraet det kèns te toch nog waal. Zoe'n auwerwètsiche plank mit ein zinke plaat vol mit bibbels, wo-op me de wesj sjoerde. Bibbel det is hetzelfde es ribbel. Mer kóns natuurlik ouch bibbels in dien jeske höbbe. Es te bieveurbeeld te lang in den auto höbs gezete.

Dus bibbels is Limburgs veur ribbels, kreukels, rimpels.

 

[OPLOSSING = A]

bibbel: kikkerdril, Meerlo Wanssum