Waor of neet waor aflevering 534

donderdag 12 juni 2003

Wim Kuipers

Sjraap

[A. FOUT]

Veer mótte dinke aan ‘zich schrap zetten'. Die oetdrökking höbbe veer ouch, mae die waert neet mie geheurd – dink ich. Wat is det schrap of sjraap? Gesjpanne. Vreuger kós me heure: höbs doe de val sjraap gezat? Det is de moezeval. En ouch: dae haet sjrikkelik gegaete, loer wie sjraap ziene boek is. Sjraap is dus: gesjpanne.

[B. FOUT]

Is sjraap dan mit ein P? Ich heur det neet. Sjraab – mit ein B - haet mit ‘sjrabbele' te make. Zelfde wie to scrabble: zich get biejein sjrabbele, schrapen. Kump 't sjitterende waord sjrabbelheks vandan: ein vrouw die häör sent, 't aete, neum mae op, die det biejein mót sjrabbele, bietje bie bietje, en die guf neet väöl weg – of oet. Dao kump sjraab vandan: gierig, gietsig, schraal.

[C. GOED]

Jónges, woveur beginne veer gein universiteit hie? Aan de UM kan me gein taalkunde sjtudiere, en veer hie: absolute meisterklas. Beveurbeeldj: waat is eine gierige windj?, det is: ja, u daar op de achterste bank, komt u maar ¼ Juist: windstil. Sjraap kump namelik door de windj, eine kaoje nut blaozende windj, dae maak dich de hoed dun, net of dao mit sjoerpepeer euverhaer gegange is. Sjraap wange waert gezag, en die kan me ouch van 't sjaere kriege.

[OPLOSSING: C]