Waor of neet waor aflevering 536

maandag 16 juni 2003

Wim Kuipers

Wings

[A. FOUT]

Wings det beteikentj in 't Ingels vleugels. Die wäörd höbbe dudelik get mitein te make, krek wie winke. Wen me zoe mit de handj wink, dao kan me vleugels in zeen. Waat is noe wings? Det waert gezag van hoonder die wille gaon vlege, ze wappere iers danig mit de vleugels, en veur me 't in de gater haet zien ze gevlaoge, d'n toen euver. Det is neet de bedoeling, en dus waerde ze gekortwiekt. Dao höbbe veer ouch ei eige waord veur kump nag.

[B. GOED]

Buim, kónne die ouch vlege? Jazeker, mae de wórtele haoje häör aan de gróndj. Einen tak dan? Dae zit aan de boum vas, mae haet waal sjpiere, angers kós dae neet bewaege. Noe kump de hamvraog: ein plank, kan die vlege? Neet al te good. Ze probeert det waal, meis sjnachs, dan zeen de luuj det neet, en waat is 't gevolg van det probere, det flakere? Dao waert ze krómp van ofwaal wings. Me zaet ouch: die plank haet zich getroch.

[C. FOUT]

Höbt geer waal ins van 't prachwaord wederspannig geheurd? Wederspannig. Det is eigelik ei paerd det zich verzit taenge 't insjpanne. Kump ouch bie miense veur, eine kaerel (vrouwluuj doon det neet) dae euveral taenge is, dae is wings.

 

[OPLOSSING: B]