Waor of neet waor aflevering 538

woensdag 18 juni 2003

Wim Kuipers

Makei

[A. GOED]

Makei, det is ein wintjersjportplaats in Oosteriek (angere: nae, Matrei) - Makei dus, mit de K. Geer ziet in de wór. Me haet ouch ein trut en ein ¼ , det bedoel ich. Noe bön ich d'n draod kwiet, ao ja: in det Makei moke ze biezunjere kies, en waal van zoer milk. Det waerde later euveral naogemaak, en det is noe makei: saort kwark of hangop.

[B. FOUT]

Jaja, waat me neet verzinne kan. Ich kin det grei, dao zagte veer fluitekies taenge. Moder deej dae in klein kumpkes en dan mós dae get aafkeule, angers sjmaakde dae neet. En die kumpkes zat ze dan op de makei: de sjteine vinsterbank.

[C. FOUT]

Det waord zit in ein sjieke oetdrökking die me neet mie heurt helaas, en det kump door de veuroetgank en de ruulverkaveling. Wen me vreuger emes wól kleinere, dan zag me: wo dae vandan kump, dao is t is hei en makei: een woest, achterlijk gebied. Hei is dudelik, en waat is makei? Ein grote dor plek zandj, wo nieks greujt.

[OPLOSSING: A]

Waordbook van Kerkrade zaet: wrongel. Ein anger waord is inderdaad fluitekies. B. bedoelde de latei.