Waor of neet waor aflevering 541

maandag 23 juni 2003

Paul Prikken

sjtrank höbbe

[A = FOUT]

Höbs luuj mit sjtrank en höbs luuj zónger sjtrank. Ich bèn eine mit sjtrank, want ich höb eine rökgesjtrank. Det beteikent: ich bèn vas in mien principes, ich sjtaon op mien puntj, ich laot mich neet ómkalle, ich bèn beginselvast, besluitvaardig.

Num ei veurbeeldj aan mich. Es luuj mit sjtrank sjterve beitele ze det op hun graaf. Op mien graaf zal sjtaon: hae hauw sjtrank, en daomit is alles gezag.

[B = GOED]

Dich kóns waal sjtrank höbbe, mer veur dich höb ich toch geine sjtrank. Sjtrank det moos te verdene en es ich det good bekiek haet Deskundige A in meer es 200 oetzendinge al het verkierde antjwaor gegaeve. Ich höb dus geine sjtrank veur dich.

Sjtrank höbbe beteikent: sjrik höbbe, ontzag höbbe.

[C = FOUT]

Sjtrank höbbe beteikent: mach höbbe, invloed höbbe. Luuj mit eine langen erm die höbbe sjtrank. Luuj mit eine korten erm die örges get bie de gemeinte of bie de provincie geregeld mote kriege, die zeuke zich eine mit sjtrank. Eine mit invloed. Eine mit sjtrank det is dien sjörgskar óm örges bènne te kómme.

 

[OPLOSSING = B]

sjtrank höbbe: schrik hebben, ontzag hebben voor