Waor of neet waor aflevering 543

woensdag 25 juni 2003

Paul Prikken

op zien doefes kroepe

[A = FOUT]

Ich zal mer neet teväöl zèkge want angers krup deskundige B weer op zien doefes. Mit twie wäörd kan ich häöm op de kas jage. Want dae meint altied det het perseunlik bedoeld is en dan krup hae op zien doefes, dan geit hae in het verwaer. Op zien doefes kroepe beteikent dus: rap kaod waere, zich direk aangsjpraoke veule.

[B = GOED]

Zal ich dich ins op dien doefes kroepe? Zal ich dich ins rap vertèlle wie de vlag d'rbie hink? Zal ich dich diene pókkel ins sjoere? Zal ich dich dien ach zalighede ins zèkge? Höbs gelök det ich zoe aansjtendig groetgebrach bèn, angers kroop ich ederen daag op dien doefes. Op zien doefes kroepe beteikent dus: emes de waorheid zèkge, emes kapittele, vermanen.

[C = FOUT]

Det gesjtechel van uch dao wil ich niks mit te make höbbe. Es geer baezig zeet, kroep ich op mien doefes en wach ich aaf. Ich sjtaon daobaove, baove det gevreigels van uch. Ich distancieer mich.

Op zien doefes kroepe beteikent dus: aafstandj numme, de zaak euverzeen, zich neet mingele in de zakes van emes angers.

[OPLOSSING = B]

eine op zien doefes kroepe: iemand vermanen / Kerkrade