Waor of neet waor aflevering 548

woensdag 02 juli 2003

Wim Kuipers

Finneke

[A. FOUT]

Gans einfach, veur ei good Duutsj en Limburgs waord te gebroeke. 't Sjteit in 't waordebook van Haerle, det einfach. En waat is einfach? Dit waord: finneke. 't Kump van 't Franse fin, fini, einde. Dus: waat is det inj: t inj van de rök ofwaal t sjtertje. Det is nag ei vastelaovesleedje: hae is op zie finneke gevalle.

[B. FOUT]

Doe mit dien Franse wäörd ummer. Woveur zól dit neet geweun mit VIN te make kónne höbbe, en neet vin = wien. Nae: de vin van vösje. Waat bie ós liek dao op? Zjuus: de wimpers. En waat is eine wimper? Ja: ein riej häörkes of finnekes naevenein. Finneke: häörke van de wimper: klaor en ame.

[C. GOED]

Ich mót wied trök gaon. Nao d'n tied det in Nederlandj allein hie in Limburg ein fetsuundelike keuke woor. Hollenjers wore gesjpecialiseerd in sjnert en ertesoep en Deense hiering, wiejer nieks. In daen tied hauwe veer alderlei name veur greunte wo ze in Hollandj nag noets van geheurd hauwe, wie sjepeng, sjelk, iewigmoos en ouch finneke. Kóste veer linea recta oet Frankriek: venkel.

 

[OPLOSSING: C]