Waor of neet waor aflevering 550

vrijdag 04 juli 2003

Wim Kuipers

Boumsjool

[A. FOUT]

Allei, 't mót neet te einfach waere hie. Sjraks vraoge ze nag: waat is de klómpesjool? Ein sjool wo klump in de benk zitte? Zoe is ein boumsjhool netuurlik ouch gein sjool veur buim of ein sjool in eine boum. Waal zoeget, namelik: ein sjoelhut op peut of in ein hut in eine boum veur jaegers. Jaja: die kalle van sjoele mae meine sjete.

[B. GOED]

Oei oei oei waat woors doe dao dun d'rbie. 't Is waal degelik ein sjool veur buim. Loester. Vreuger góng me iers nao de bewaarsjool: dao lierdese bao nieks. Mae dan keem de grote sjool. Opveuje die wichter, liere, raekene. Ich zag opveuje, mae 't goje waord is: opgetroch. En in ein boumsjool waere buim opgetroch. Dus: ein kwekerie van buim, en döks eine gans jónge bóngerd.

[C. FOUT]

't Nederlandjse waord school haet hiel get beteikenisse. Verleje tied van schuilen school gescholen. Geboew of organisatie wo me get liere kan, en: verzameling: een school vissen. Noe hoof ich neet väöl mie te zèkge: ein boumsjool is ei gruupke buim midde in 't veldj, of vreuger op de hei. Een samenscholing van bomen.

[OPLOSSING: B]

Dit woord is ontleend aan 't Duits, en komt vooral voor in Tegelen en omgeving, waar nogal wat boomkwekers zitten.