Waor of neet waor aflevering 551

maandag 07 juli 2003

Wim Kuipers

Bóchte

[A. FOUT]

Maondig vandaag. Huuj zèkge väöl luuj plaast vandaag. 't Is huuj geinen daag veur lang in 't hui te blieve likge, of op de sjtreumetras, in de bóch waert ouch gezag. Gister waal op de zónjig. Waat is dus bóchte? Hiel lang blieve sjlaope.

[B. FOUT]

Jederein wit waat bocht is, bóch: rómmel, sjlech grei. En neet allein eppel die rót zien, me haet ouch vazele wien en beer det neet te zoepe is. Ich neum gein name. Waat is dus bóchte? Det is sjlech, minderwaerdig grei make, rómmel.

[C. GOED]

Nou, doe begins 't te liere. Bóchte is inderdaad get make, mae meistes neet door miense gedaon, nae veugel bóchte, of mesjiens waal muus. Wen die aan 't bóchte zien, det is: ei nès make.

[OPLOSSING: C]

Opmerking: misschien houdt iemand vol dat bóchte lang slapen is, maar het staat in die betekenis in geen enkel woordenboek.