Waor of neet waor aflevering 552

dinsdag 08 juli 2003

Wim Kuipers

Terzit

[A. FOUT]

Terzit det is gans dudelik ei waord van de Pel. Dao móste de luuj hiel hel poejakke, op dae sjlechte gróndj, dao hauwe ze nag geinen tied de wäörd alik oet te sjpraeke. Me kan dao noe nag heure: dees waek zitte veer vas, mae terzit kómme veer ins aanloupe. Det is dan ein verkórting van tezienertied. Terzit: sjtrakkes, tezijnertijd.

[B. GOED]

Dao gluif ich noe gaaroet nieks van. Ich kin die luuj van dae kantj es volk det get waat gedaon mót waere, sebiet duit. En wen 't kan ram achterein: gedaon is klaor. Ze doon get leefs neet in terzits: in deile. Terzit is: ein deil van t werk det gedaon mót waere.

[C. FOUT]

Loester: veer doon waal of veer alles zelf weite, mae veer kriege aanwiezinge van de Taalmeisters. En die gaeve dök 't taengeneuvergesjtèlde van waat good is. Wie noe. Efkes dinke aan: ter zitting bleek, hij werd ter zitting gearresteerd. Det heurde de luuj vreuger dök. Waat op de rechbank gebeurde woor wichtig. En zoe is terzit blieve hange. Me heurt: doot det terzit: sebiet, ónmiddellik.

[OPLOSSING: B]

Opmerking. Misschien is de oorspronkelijke betekenis: derde deel. Vergelijk terzet = drieregelige strofe op het eind van een sonnet. Het woordenboek van het Venrays wil dat zo, maar spreekt zich meteen tegen: Ge kunt dat ien driej terzet betalen. Is dan dubbelop. In Helden wordt van terzits gepraat: delen. Een land ploegen in terzits.