Waor of neet waor aflevering 553

woensdag 09 juli 2003

Wim Kuipers

Op termien gaon

[A. FOUT]

Termien is natuurlijk eine bepaolden tied. Me kan get betale in veer termiene, en det kan me mit de verkuiper aafsjpraeke. Dök bepaolt de natoer d'n termien. Wiene 't wintjer is, en ouch: wie lang me zjwanger is. En noe zien veer wo veer zien mótte: op termien gaon is: in verwachting, zjwanger, in positie zien. Groot gaon zag me ouch.

[B. FOUT]

Wie mót ich mich dit dinke: zjwanger zien in twie termiene. Nae nae, veer mótte hie dinke aan die kaffees en hotels die Terminus heite. Waat woor det? 't Inj van de tram of later de bös of de waeg nao de grens. Haet ouch mit terminaal te make: zoe krank det 't inj helaas dunbie is. Dus: op termien gaon is persies 't umgedrejde van waats doe meins: neet 't begin mae 't inj van 't laeve, bienao dood zien.

[C. GOED]

Geer bönt allebei in de bonepuree. 't Haet get te make mit luuj die nieks mit zjwanger en zjwanger make te make hauwe: baedelpaters. Die waerde door de euverste op termien gesjik. Dan móste ze in de dörper gaon baedele. Vraoge veur get te aete: kaore (daoveur hote ze ouch kaorepaters), greunte, mae ze keme ouch waal ins mit eine aafgehouwde verkeskop trök in 't klooster, veur de ertesoep.

[OPLOSSING: C]

Deze uitdrukking staat in de woordenboeken van het Weerter land. De paters en broeders franciscanen uit Weert gingen in heel Midden-Limburg bedelen.