Waor of neet waor aflevering 554

donderdag 10 juli 2003

Wim Kuipers

Tumpe

[A. FOUT]

Tumpe det zal me heure wies de lèste kattelieke kirk einen disco is. Of ein fitsesjtalling. Die kirkeluuj doon troewes of de geweun luuj gein klok höbbe of d'n tied op de radio höbbe sjtaon. Ze tumpe vief menute veur de mès begint. Dan kan me rap ziene pils oetdrinke en nag op tied binne zien. Tumpe det is: loeje mit de klein klok det de mès gauw begint.

[B. GOED]

Jaomer jaomer. Neet alleen umdets doe 't obbernuuj verkierd höbs, mae veural det väöl luuj det loeje van dich tumpe neume. Ze likge dan nag in bèd te luiere en ekele zich danig aan det klökske. Ze belle 't raodslid van GreunLinks, of dae gedaon kan kriege det die pesjteurs oetsjeie mit det getump op zónjigmörge. Tumpe noe zal 't dudelik zien, det is: plaoge, peste.

[C. FOUT]

Plaoge det zól kónne. Loester wie. Tumpe det zien de wimpers. Me zaet ouch waal vlumme. Noe guf 't wufte dames die zich mit zjwertsel de tumpe biewirke. Dan kónne ze baeter daomit nao de mansluuj lónke. En det is noe tumpe: lonken.

[OPLOSSING: B]

Opmerking. Dit tumpe staat onder meer in een woordenlijst van het Heldens. Ook in het Venrays Woordenboek, maar in een wat afgezwakte betekenis: honen, een sneer geven. Wimpers zijn plumpe of vlumme.