Waor of neet waor aflevering 555

vrijdag 11 juli 2003

Paul Prikken

tachel

[A = FOUT]

Den tachel of de tachele die höbbe mich wie ich jónk waor mènnige bóks gekos. Dan kaom ich weer toes mit eine winkelhaok of ein groete sjäör in de bóks en dan zag de mam: höbs te weer in de tachele gehange! Want ich kroop ummer ónger den tacheldraod van de weije doer en es te de vot get te hoeg sjtooks dan bleefs te in de tachele van dae pinkesdraod hange. Einen tachel of tachele zeen dus pinkes van puntjdraod.

[B = GOED]

Ja, en es te mit ein gesjäörde bóks of zoe'ne winkelhaok in dien bóks toeskaoms dan kreegs de van de mam einen tachel óm dien ore. Einen tachel is hetzelfde es een watsj, ein oorvieg. Ein opvoedkundige methode die noe neet meer gebroek maog waere.

[C = FOUT]

Den tachel dae sjtóng vreuger naeve de sjtaof, de 'kachel' in de keuke. Heurs het al: mit den tachel woort de kachel getacheld. Den tachel is dus hetzelfde es ei raokeliezer, eine pook, zoe'n iezer óm de heite kaole mit op te sjödde.

[OPLOSSING = B]

Ei bitje ein sjtrikvraog bie A: pinkesdraod is sjtacheldraod.

Me zaet ouch tachele: sjlaon, watsje gaeve.

[OPLOSSING: C]