Waor of neet waor aflevering 558

woensdag 16 juli 2003

Paul Prikken

klaoftere

[A = GOED]

Klaoftere is gezóndj. Ich sjtaon 's mörges óm 5 oer op en dan gaon ich eers ein uurke klaoftere, dauwtrappen in de frisje natuur. Van zoe'n wanjeling in de vreuge mörge kriegs te eine klaore kop. Ich kèn het ederein aanraoje mien veurbeeld te volge.

[B = FOUT]

Heur de gezóndjheidsfanaat. De énsigste kiere dets dich óm vief oer 's mörges op wanjel bès is es doe van de kefee toeskumps! Want klaoftere det beteikent noe precies het taengeneuvergesjtèlde. Klaoftere det is nachtbraken, boemele aan de rol gaon. En daovan krieg deskundige A geine klaore kop. Mer det weite de loesteraers al.

[C = FOUT]

Klaoftere det deis te mit de klaofter. De klaofter is ei sjtök gereidsjap van de stucadoor womit me vreuger de óngerlaog van het stucwerk op de moer sjmaerde. Noe deit me det neet meer, want ein moer wurt in eine kier gestuct. Mer vreuger sjmaerde me eers ein roew óngelaog. Det is klaoftere: roew bepliestere, roew stucwerk aanbringe.

[OPLOSSING = A]

klaoftere: dauwtrappen, vroege ochtendwandeling maken