Waor of neet waor aflevering 559

donderdag 17 juli 2003

Paul Prikken

baeterie

[A = FOUT]

Baeterie det kump van het Frans waord 'béte' of 'bétail' en det beteikent al het laevend vie, al de bieste, de keu, de sjeup, de hinne, de knien, de paerd, de geite... kortóm de gansen hannekesnès van bieste die eine boer op zienen haof haet loupe. Het is dus eine verzamelnaam: al de bieste van eine boerenhaof.

[B = GOED]

Es te neet baeter wèts zouws te det kónne dènke, mer de baeterie det zeen veur eine boer neet de bieste mer det waat achter oet die bieste kump: de stróntj en de zeik. En det sjtruijt hae weer es mès op zie landj. Det is baeterie: ein algemein waord veur mès. De gróndj wurt dao baeter van: daover heisj het baeterie.

[C = FOUT]

Baeterie... dao wurt het baeter van. En van ein sjlechterie dao wurt het sjlechter van. Zoe kèn ich ze ouch verzinne.

Nei, baeterie det waor krachtvoor en det goof me vreuger aan de kinjer om ze sjterker te make, óm ze mier weerstand te kweke. Meistes waor det levertraon. Noe heisj det energiedrinks, energizers. Mer vreuger waor det geweun baeterie.

[OPLOSSING = B]

baeterie: meststof, natuurlijke meststoffen, mest (verzamelnaam voor alle soorten mest, chemisch en organisch)